Eldur, stormur og vatn v.m.
Húsini eru tryggjað, um tey fáa skaða av eitt nú eldi, stormi ella vatni. Tú fært eisini endurgjald fyri ávísar skaðar, sum náttúran kann føra við sær, og fyri skaðar, ið kunnu standast av menniskjaligum ósketni og fylgjur av hesum. Harumframt veitir tryggingin endurgjald í sambandi við stuldur og herverk. Í treytunum ber til at lesa nærri um dekningarnar.
Dekningarnir fevna um sjálvt húsið, og alt í húsinum, sum ikki kann metast at vera innbúgv. Tað vil siga alt tað, sum hevði staðið eftir, um húsið varð lyft upp og vent á høvdið. Eisini fevnir hetta um eitt nú køk, hvítvørur og frystiboks.
Aðrir bygningar á tryggingarstaðnum, sum t.d. hjallur og bilhús, ið hoyra til húsið, skulu eisini vera nevndir á tryggingarskjalinum fyri at fáa dekning.